I 1943 vart ein sendar for etterretning i Rogaland plassert på Vaule i Bjerkreim. Men sendaren vart oppdaga, og dei som budde på Vaule måtte flykte i all hast. Nokre kom seg over til Sverige, andre vart fengsla i Stavanger, Møllergata 19 eller på Grini. I tillegg måtte fleire gøyme seg for tyskarane på ulike stader i bygda heilt til freden kom. I denne boka får vi innblikk i korleis folket frå Vaule opplevde desse åra med flukt, fangenskap og tortur. Her finn vi mellom anna utdrag frå dagbøker, gamle brev og fotografier.
